歐聯16強首回合，阿特蘭大主場迎戰拜仁慕尼黑，論整體實力一定係爭標熱門拜仁勝一籌，預料會繼續搶攻。阿特蘭大曾於上圈附加賽淘汰另一支德甲勁旅多蒙特，有助提升今仗爭勝信心，隨時同對手駁火。參考拜仁各項賽事近11次作客有9次總入球開4球或以上，首選3.5球入球大。（Now 639周三凌晨4時直播）文:Mic少
阿特蘭大無懼鬥攻
阿特蘭大成為歐聯16強唯一意甲球隊，已經超額完成，球員冇心理包袱之下，應該會踢得更加放，以近6次主場5勝1和強勢，無懼同拜仁鬥攻。
拜仁上場德甲，首席射手哈利卡尼因傷缺陣下，仍然大勝慕遜加柏4比1，拋離第2位多蒙特11分，可以專注爭歐聯。據悉卡尼今仗有望復出，就算佢倦勤，隊內仍不乏優秀進攻球員，其中路易斯迪亞斯上仗又有入波，今季為拜仁上陣35場射入20球，加上米高奧利斯、穆斯亞拿都具備出色入球能力，足以撕破阿特蘭大防線。考慮到拜仁防線唔算穩陣，近3場失5球，一於揀3.5球入球大。
