周五澳職賽事，近況大勇嘅奧克蘭FC，作客乘勇狙擊西悉尼流浪者，踢法肯定搶韁。奧克蘭FC近期走勢凌厲，而且專門喺比賽早段施加重壓，趁對手未企穩陣腳爭取入球，今次對住近期喺主場上半場亦多交收嘅西悉尼流浪者，相信半場入球唔會少，1.5球半場大好路。
（無綫82台周五下午5時直播）文:工廠仔
奧克蘭FC開季表現持續勇猛，緊逼榜首嘅FC悉尼，佢哋近7場聯賽錄得5勝1和1負，而且有愈踢愈順之勢。英格蘭前鋒森哥斯格羅夫腳風頗順，近5場聯賽交出4個入波同兩次助攻，奧克蘭FC鋒力有保證，加上球隊踢法搶韁，連續7場賽事都能夠喺上半場入波，對上6場有5次半場總入球開2球或以上，咁好路梗係要追。
流浪者主場無懼駁火
西悉尼流浪者今季主場不敗，上輪狂攻之下被布里斯班獅吼奮力守和0比0，係佢哋11個月以來首次主場冇入波，今場當然要全力進攻搶「士哥」。西悉尼流浪者今季5個主場入球，有4球係喺上半場攻入，藉主場氣勢唔驚同奧克蘭FC駁火，1.5球半場大值得捧場。
