亞冠精英盃第6輪賽事，日職勁旅廣島三箭主場迎戰FC上海。廣島三箭季尾狀態復甦，喺日職煞科戰贏波後，以第4名完結球季，依家會將注意力集中喺亞冠盃上，佢哋要搶分確保晉級資格，主場出擊3分志在必得，預計會穩中求勝，中位數3/3.5球入球細值博。（HOY 76台周三晚6時直播）文:工廠仔
廣島三箭今屆分組賽於A組暫錄5戰2勝2和1負，以8分位列中游位置，但其實大部分球隊差距只係1場上落，想攞到前8名出線的話，餘下3輪不容有失。據報已宣布季後離任嘅教練史基比，今場將係最後一次領軍，呢位德國名帥踢法一向以防守為先，廣島三箭係今季日職失球最少球隊，喺亞冠盃同樣以守代攻，今屆5場比賽總入球全開2球或以下。
FC上海狀態成疑
中超球隊FC上海目前5戰只得1勝，而且同其他球隊實力上有一定差距，預料晉級機會唔大。FC上海自上月中超煞科爭冠失敗後，計一計原來近半個月只踢過1場亞冠盃，球員比賽狀態肯定受影響，今場作客需要花時間入局，戰術上肯定先鞏固防守，預料兩隊埋門機會唔會太多，捧入球細係最佳選擇。
