早少少開波嘅歐聯焦點戰，由德國班霸拜仁慕尼黑主場對葡超勁旅士砵亭。拜仁神鋒哈利卡尼腳風順到爆，而且佢哋出戰歐聯例搶韁，撞正同樣攻得嘅士砵亭，隨時初段即鬥攻，一於捧1.5球半場大。（Now 643周三凌晨1時45分直播）文:法達斯維
無可否認，拜仁近期確係有啲疲態，主帥高柏尼上仗聯賽對史特加，正選特登收起紐亞、基拿比、莊拿芬泰希同哈利卡尼等主力，畀佢哋抖抖，點知前鋒尼高拉斯積遜受傷，哈利卡尼被迫披甲，呢位英格蘭隊長上陣短短半粒鐘就戴帽，連同國家隊賽事，喺2025年至今總共狂轟58粒，打破自己2017年嘅56球紀錄，成為個人職業生涯最多產1年，真係弗到勒唔住。
士砵亭踢法同樣搶韁
拜仁依家累積12分排緊第3位，佢哋今屆5場歐聯全部半場開2球或以上，可見高帥先發制人嘅策略，為盡快鎖定前8直接出線資格，必定初段即搶攻。
士砵亭係今屆歐聯成績最好嘅葡超球隊，5輪賽事取得3勝1和僅1敗，共入11球，現居第8位，今夏加盟嘅前鋒路爾斯蘇亞雷斯已經交出12球3次助攻，腳風奇順，睇番士砵亭各項賽事近6仗，半場全開2球或以上，同樣搶韁，半場大咪錯過。
