当前位置: 主页 > 港澳名报

白禮頓水晶宮細均力敵|東方日報

2022-01-14 15:41:44
周五英超獨腳戲有白禮頓主場迎戰水晶宮,白禮頓近期回勇,防守力屬英超前列水平,水晶宮今季由韋拉執教下亦轉型以控球及逼搶踢法為主,作客更以穩為先。兩隊風格接近,預計中場爭持較激烈,入球機會唔多,2.5球嘅入球細更值得捧場。

(Now 621周六凌晨4時直播)
白禮頓控球組織踢法悅目,可惜攻力麻麻,前線只有馬奧比一個具備數胡能力,令球隊入球數字偏低,不過佢哋今季19場聯賽只失20球,比阿仙奴、韋斯咸、曼聯等前列球隊更少,就算主場出擊亦先求控制局面然後採取進攻,因此對上4仗聯賽主場,總入球全開2球或以下。「海鷗」今仗有中場美維樸受傷,將由阿歷斯麥亞里士打擔正,前場李安度杜沙特亦將取代韋碧克。

水晶宮雙箭服役削攻力
水晶宮今季由韋拉掌舵,起用大量年輕球員,同樣以逼搶踢法為主,表現同樣受到好評,不過目前兩大前鋒韋費特沙夏同佐敦阿休離隊出戰非國盃,前鋒線得番賓迪基同奧辛尼艾度亞迪,中場干拿加歷查剛病愈狀態一般,大大削弱球隊入球能力,而且水晶宮近3仗聯賽作客均吞蛋輸波,今仗唔會亂攻,會先求穩陣,開2.5球入球細機會極高。
相关视频及分析 更多>>
精彩评论