澳職開鑼戰阿德萊德聯主場對FC悉尼，兩支進攻型球隊上季表現都令人失望，今季改革後捲土重來，當然力爭打響頭炮。兩隊近6次交鋒，有5次開4球或以上，今場就大鑼大鼓玩大佢，推介3.5球大。
（無綫myTV SUPER周五下午4時直播）文:渡邊年
FC悉尼上季無緣季後賽，作為澳職最有財力球隊之一，今夏轉會市場動作多多，簽入秘魯國腳基斯比、西班牙前鋒域陀甘佩薩奴等猛將，陣容比上季更平衡。球隊喺季前熱身表現對辦，上周最後熱身3比1贏珀斯光輝，域陀甘佩薩奴攻入2球，融合進度理想，以FC悉尼進攻型踢法，今季火力會相當強大。
奇治葛雲回巢攻力更盛
阿德萊德聯提拔青年軍教練艾迪奧利坐正，今季有傳奇前鋒奇治葛雲回巢，攻擊力甚有保證。不過「阿聯」防守差勁係死症，近兩季常規賽合共失108球，季前熱身賽亦未見改善，對上3場熱身賽失7球，今仗阿德萊德聯第1擊主場出師，必定繼續以攻代守，同FC悉尼駁火，3.5球大放心捧場。
