墨城馴獅澳職開門紅

2017-10-07 16:08:48 来源:互联网

今季澳職周五已正式開鑼,首戰由上季常規賽嘅三哥布里斯班獅吼同四哥墨爾本城較量,結果由有主場之利嘅「阿四」勝出。
墨城雖然今場冇入選澳洲國家隊嘅老將卡希爾壓陣,但就有英冠射手羅斯麥哥馬克加盟,惟今場最威水嘅唔係佢,而係入兩球嘅黑人翼鋒布魯士卡馬奧。佢上、下半場各入一球,第一場就已經超越咗上季全年只得一球進賬嘅入球數量,協助墨城以2:0旗開得勝。至於獅吼今夏引入嘅38歲前米杜士堡射手馬卡朗尼,成場波就冇乜作為,起腳都少。

 

论坛精华