山神今季之後真係走梗?

2017-10-05 08:27:14 来源:互联网

山神今季之後真係走梗?

阿仙奴近排順風順水戰績大有改善,不過球隊兩大主力仲未續約嘅隱憂仲喺度,阿歷斯山齊士同奧斯爾同球會嘅合約到季尾就屆滿,最近到出年1月就可以自由同其他球會傾轉會,簽定合約季後走人。盛傳山神奧燒都唔打算留低,據報佢兩個喺陣中已經犯眾憎,同一班資深球員已經冇偈傾。

阿仙奴喺上月20號英聯盃1:0小勝唐卡士打晉級,原本所有一隊球員都被要求喺翌日返訓練基地集合出席聚會,但山神同奧燒就稱病冇現身,引起其他球員對佢兩個嘅不滿。山神唔留阿仙奴唔愁冇出路,除咗曼城有興趣之外,日前傳法甲豪門巴黎聖日耳門打算喺1月以1,000萬鎊簽字費,利誘佢加盟。至於奧斯爾,近日就盛傳佢會去曼聯。

论坛精华